"حوار صحفي مع الكاتبه الجميله إسراء بدوي "ورد

السلام عليكم ورحمة الله وبركاته يجميله 

انا المُحرره الصحفيه حبيبه سامح"لاڨندر" من جريدة حِصن 

ممكن أعمل معاكِ حوار صحفي 

_تمام يـ سكر

دعونا نتعرف على موهبه جديده تلمع في سماء النجاحات: 

- فـ البدايه حابين نتعرف على الموهبه اللي معانا وعن شخصيتها ممڪن تعرفينا بنفسك : 

إســــراء بدوي والكُنية ورد، بحب الكتابة والتصميم والتصوير وغيره، بكتب من وأنا في اعدادي وشغوفة بمواهبي وبطوّر دائمًا منها، بحب التطلع للجديد وبحب كتابة ألوان جديدة سواء من الشعر أو النصوص أو الخواطر أو القصص القصيرة أو حتى كتاباتي العامية♡.

- لڪل شخص موهوب وناجح بيبقي معندهوش أخر ودايمًا بيبقي عاوز يعمل شئ جديد وناجح كلمنا عن أهدافك و طموحاتك وإهتماماتك : 

مهتمة جدًا بالشعر الفترة دي وبحب أعرف كلمات عتيقة في اللغة العربية بحيث تقوي النص بتاعي أو الشعر، طموحي إن كتاباتي عامةً توصل لأكبر عدد ممكن من القُراء خاصةً إني لو مفيش داعم للكاتب فأكيد شغفه بيقل، هدفي من الكتابة هو إنه يكون ليا أعمالي الخاصة بيا سواء كتاب أو رواية أو غيره.

-كيف تنمي نفسك وأفكارك : 

بقرأ كتير لكُتاب مميزين في سرد نصوصهم، في التصميم فبحاول مع نفسي وأحاول إني أعمل أفكار جديدة، التصوير فبصور من كذا زاوية وبصور أكتر من صورة وبعمل ايديت بسيط عشان الأوڤر مش بيكون لطيف خالص.

-ماهي صفات الانسان الناجح وما يجب أن تكون ڵـهٍ من صفات : 

الإنسان الناجح مش اللي يكتب كتير أو يكتب كل يوم، الإنسان الناجح اللي لما يكتب يكون مُبدع في كتاباته، يكون فيها حاجة بتشد القارئ، وطبعًا مننساش إن كل كاتب بيمر بفترة بينقطع عن الكتابة أو بمعني أصح فاقد الشغف ساعتها متيأسش وحاول أو خد هُدنة تجمع أفكار وكلمات كويسة ولما ترجع ترجع أقوى من الأول.

- اي إنسان بتواجهه مصاعب ومحطات فشل وصراعات إزاي حضرتك ڪنت بتتخطي ڪل الأشياء دي ومن الشخص اللي بيدعمك وبيوقف جنبك في الاوقات دي :

كنت بتخطاها بالصبر، اصبر هتنال اللي عايزه وساعات بواجهها بالاصرار والعزيمة أيا كان منهم بس مش بستسلم ليها أبدًا

، اللي بيُقف جمبي هم عيلتي وبيدعموني وبيهونوا عليا أي حاجة صعبة وبجد الحمدلله على وجودهم.

- كل شخص ليه قدوه في مجاله مين قدوتك فـ مجالك :

أنا قدوة نفسي، دايمًا بقول كدا لإني مش همشي على منهج حد أو حتى أقلده دا حاجة مش لطيفة خالص، أنا أعمل لنفسي منهج امشي عليه وأبتكر مع نفسي وأعمل حاجات جديدة تساعدني إني أكمل في طريقي.

- أعرض علينا شئ م̷ـــِْن موهبتك : 

ثم إنِّي قوي رغم الشعور بالخَيْبَة

ثم قُلتُ سَلَامًا لمن زاد في الغَيبة

تاركًا إيَّاي أتألم ولا يشعر ولا يعلم

نيران الشوق آكلةً لقلبي ولا أتكلم

حينما أرآك أشعر كأنِّي كالفراشة خفيف

ثم إنِّي رغم أنَّي قوي لكنَّ الحب أبقاني ضعيف

عُد لي فأنتَ الدواء وأنا المريض العليل

سَلَامًا عليكَ أيها الغائب الطائل بالرحيل

لكنِّي أحب النظر لعينيكَ وجمالك يا جميل

حتى ولو لم أراكَ حقيقةً لكنَّك أمامي كالنسيم. 

لـ إســــراء بدوي|وَرد ♡゙.

- ماذا تعرف عن جريدة حِصن وما رأيك فـ مسؤلين الجريدة

كنت بسمع عنها وفرحت جدًا إن حبيبة سامح قالتلي إنها حابة تعمل معايا حوار صحفي، استمروا وادعموا الكُتاب المحترفين أو المبتدئين وكونوا مصدر دعم في وقت تخلى بيهم الكل.

- كلمه أخيرة نختم بيها هذا الحوار اللطيف. 

لو إنت قارئ أو حتى كاتب متبخلش على الكاتب زميلك بالدعم وأوقف جمبه يمكن لما يصعد تكون إنت سبب في صعوده ومصدر فخره♡

شكرا لك .

المحررة الصحافية :حبيبه سامح"لاڨندر" 

نائب الجريده /

          أ/أحمد حسين

مؤسسة الجريدة /

          أ/ إســراء أحــمـد